Beri beryaha ka mid ah ayaa gabar waxay usoo cabatay aabaheed
iyadoo sheeganaysa in nolosheedu aad u adkaatay markii ay dhibaato xalisan mid
kale ay la kulmayso. Waxay aabaheed u sheegtay inay wareertay noloshiina ku
aadkaatay.
Aaabaheed oo ahaa cunto kariye ayaa subaxdii danbe u
kaxaystay jikada wuxuuna soo qaatay saddex dheri ama digso oo wuxuu ku shubay mid
walba biyo wuxuuna saaray dabka.
Markii ay saddexdii digsi soo kareen ayuu midkii kowaad
wuxuu ku shubay baradho, kii labaadna wuxuu ku shubay ukun halka kii saddexaad
uu ku shubay caleenta shaaha.
Markii saddexdii dheri si wacan u karsameen ayuu odeygii
dherigii koowaad dabka kasoo dajiyey wuxuu dhahay fiiri aabe baradhadu way
adkayd markii ay dabka gashay cabaarkii hore way is adkaysay balse markii danbe
way adkaysan weyday weyna jilicday.
Odeygii haddana waxa uusoo qabtay ukuntii wuxuuna yiri aabe
bal fiiri ukuntu markii hore wey jilicsanayd balse markii ay xaaladi la soo
deristey waa adkaatay waxayna iska difaacday xaaladii la soo daristey.
Odeygii ayaa haddana waxa uusoo dherigii ka shubay shaah
waxa uuna yiri bal u fiirso aabe calaanta markii xaaladi lasoo gudboonaatey
waxay isku dayday inay dhibaatadii bedesho oo ay kasoo saaarto wax cusub.
Saddexdaa cunto midba si ayuu ula falgalay marka ay soo food
saartay xaalad culeys ah balse gabadheydiyey adigu midkee ayaad tahay?
Marka dhibaato timaado ma waxaad noqon mid debecsan sida
baradhada mid qalbi adag sida ukunta mise mid is bedela oo xaalada isku daya
inuu bedelo?
Aabe ogow farxadu ma ahan wax la helo ee waa wax la
samaysto.
Isku dube ride
Abdi Mallow
Comments
Post a Comment